દુઆ જવશને સગીર

શરૂ કરૂં છું અલ્લાહના નામથી જે રહમાન અને રહીમ છે અય અલ્લાહ! મોહંમદ સ. અને આલે મોહંમદ અ. ઉપર રહેમત નાઝીલ ફરમાવ. અય મારા અલ્લાહ! કેટલાક દુશ્મનો મારી દુશ્મનીમાં તલવારને તૈયાર કરી, અને મને મારવા માટે તેમના ખંજરની ધારને તેજ કરી છે, તેનું નિશાન મારા તરફ કર્યું છે, મને મારવા માટે કાતિલ ઝેરને તૈયાર રાખ્યું, તેમના તીરોના નિશાન મારા તરફ છે, તેમની (દુશ્મનોની) આંખ મારા તરફથી થોડા સમય માટે પણ હટતી (સૂતી) નથી, મને તકલીફ દેવાનો દુશ્મનો પાકો ઈરાદો કરી લીધો છે, અને મને ઝેર દેવા માટે તૈયારી કરે છે. પરંતુ તું જ છે કે મોટી સખ્તીઓના સામે મારી કમઝોરી, મારાથી મુકાબલો કરનારના સામે મારી અશક્તિ, મારા ઉપર હમલો કરનાર લોકોના વચમાં મને એકલો જોયો કે એ લોકો મને એવી તકલીફ આપવા ચાહે છે કે જેનો સામનો કરવા માટે હું વિચાર પણ કર્યો નથી, ત્યારે તું જ તારી તાકતથી મારી મદદ કરી, અને મને સહારો આપ્યો, મારા દુશ્મનની તલવારને નકામી (બોથી) કરી દીધી, તેમને બેઈઝ્ઝત કર્યો, જ્યારે કે તે લોકો વધારે હતા, હથિયાર સાથે ભેગા થયા હતા, તું જ છે કે મારા દુશ્મનો ઉપર મને કામિયાબી અતા કરી, જે લોકો મારા માટે મક્કારી અને દગાખોરીની જાળને તૈયાર કરી હતી તેમાંજ તેમને ફસાવી દીધા, તેમની ન તો દિલની મેલી મુરાદો પૂરી થઇ કે ન તો તેના દિલમાં ગુસ્સાની આગ ઠંડી થઈ, તે લોકો અફસોસના લીધે પોતાની જ આંગળીઓને કરડવા લાગ્યા, તેમને હાર મળી અને તેમના નિશાન (ઝંડા) પડી ગયા. બસ તમામ વખાણ તો ફક્ત તારા જ માટે છે અય્ પરવરદિગાર, તું તે તાકતવાળો છે કે જે કોઈથી હારતો નથી, તેવો સહનશીલ છો કે જલ્દી કરતો નથી, મોહંમદ સ. અને આલે મોહંમદ અ. ઉપર રહેમત નાઝીલ ફરમાવ, મને તારી નેઅમતોનો શુક્ર કરનાર અને તારા એહસાનને યાદ કરનાર લોકોમાં શામીલ કર. અય્ મારા અલ્લાહ! કેટલાક ઝાલીમોએ મારા સાથે મક્કારી કરીને મારા ઉપર ઝૂલ્મ કર્યો છે, મને ફસાવવા માટે શિકારીની જેમ જાળ બિછાવી, હંમેશા મારી તલાશમાં છે, જેવી રીતે શિકારી જાનવર પોતાના ભાગેલા શિકારને ન પકડાય ત્યાં સુધી તલાશ કરતો રહે છે, જ્યારે કે તે (ઝાલિમ) જાહેરમાં મારી સાથે મોહબ્બતથી અને હસતા મોઢે મુલાકાત કરે છે, પરંતુ અસલમાં તેની નિય્યત ખરાબ છે, જ્યારે તું તેની લૂચ્ચઈને અને તેની ખરાબ નિયતને જોઈ એટલે કે મારા માટે તેને તું ઝાલિમ જોયો તો તેને તું ઉંધે માથે પછાડ્યો, તેના બનાવેલા કામોને જડ મૂળથી ઉખાડી દીધા, જે મારા માટે કૂવો ખોદ્યો હતો તેમાં જ તે તેને નાખ્યો, તું તેના મોઢાને તેના પગની માટીના કીચડથી રંગીન કરી દીધું, તેને શરીર અને રોઝીની મુસીબતોમાં જ ગૂમ કરી દીધો, તેને તેના જ પથ્થરથી જ માર્યો, તેની ગરદનને તેના તીરથી જ વીંધી નાખ્યું, તેનું માથું તેની જ તલવારથી ઊડાવ્યું અને તેને પછાડી દીધો, તેના મકરને તેની ગરદનમાં નાખી દીધો, તેની ઝીલ્લતની સાંકળને તેના જ ગરદનમાં નાખી દીધી, તેની હસરતથી જ તેને માર્યો, બસ તું મારા દુશ્મનને ઝ્લીલ અને બેઈઝ્ઝતી સાથે ઝમીન ઉપર પછાડ્યો, સખ્તી સાથે બેઈઝ્ઝત કર્યો, આ રીતે પોતાની મકરો ફરેબની ચાલબાઝીની રસ્સીઓમાં પોતે જ ફસાઈ ગયો, આ તે ફંદો હતો કે જેમાં તે મને જોવા માંગતો હતો, અય્ પરવરદિગાર! જો તું મારા ઉપર રહેમ ન કરતે તો હું એ બલામાં ગિરફ્તાર થઇ જતે. બસ તમામ વખાણ તો ફક્ત તારા જ માટે છે અય્ પરવરદિગાર, તું તે તાકતવાળો છે કે જે કોઈથી હારતો નથી, એવો સહનશીલ છો કે જલ્દી કરતો નથી, મોહંમદ સ. અને આલે મોહંમદ અ. ઉપર રહેમત નાઝીલ કર, મને તારી નેઅમતોનો શુક્ર કરનાર અને તારા એહસાનને યાદ કરનાર લોકોમાં શામીલ કર. અય અલ્લાહ! કેટલાક હસદકરનાર એવા છે કે જે મારાથી હસદ કરી રહ્યા છે, દુશ્મન મારી દુશ્મનીમાં સળગી રહ્યા છે, પોતાની ખરાબ ઝબાનથી મને તકલીફ પહોંચાડે છે, જે ખરાબી તેનામાં છે તેનો ઈલ્ઝામ મારા ઉપર નાખે છે, અને મારી ઇઝ્ઝતને બરબાદ કરી રહ્યા છે, મારાથી નફરત કરીને મારા ગળામાં ફંદો નાખ્યો છે, તો અય્ પરવરદિગાર હું તારી પાસે પનાહ ચાહું છું, એ તો મને યકીન છે કે તું એ બલાને સારી રીતે દૂર કરનાર છે, મને તારા ઉપર પૂરો ભરોસો છે, હું જાણું છું કે જે તારી રહેમતના છાયા નીચે આવી જાય તેને તું હલાક થવા નથી દેતો, જેની તું મદદ કરે તે મુસીબતોનો તેના ઉપર કોઈ અસર નથી થતો, બસ તું તારી કુદરત અને તાકતથી દુશ્મનોથી મને બચાવ્યો છે. બસ તમામ વખાણ તો ફક્ત તારા જ માટે છે અય્ પરવરદિગાર, તું તે તાકતવાળો છે કે જે કોઈથી હારતો નથી, એવો સહનશીલ છો કે જલ્દી કરતો નથી, મોહંમદ સ. અને આલે મોહંમદ અ. ઉપર રહેમત નાઝીલ કર, મને તારી નેઅમતોનો શુક્ર કરનાર અને તારા એહસાનને યાદ કરનાર લોકોમાં શામીલ કર. અય અલ્લાહ ઝમાનાની કેટલીક ખતરનાક તકલીફોને મારાથી દૂર કરી, આસમાનથી મારા ઉપર નેઅમતોનો વરસાદ વરસાવ્યો, કરામતોની નહેરો જારી કરી, સખતીઓને મારાથી દૂર કરી, રહેમતનો છાયો મારા ઉપર ફેલાવ્યો, તંદુરસ્તીનો લિબાસ પહેરાવ્યો, દુઃખોની સખતીઓને મારાથી દૂર કરી, જે થઇ રહ્યું હતું તે બધુ પોતાના કાબૂમાં રાખ્યું, તું જે કંઈ કરવા ચાહે તેમાં તને કોઈ રોકનાર નથી, જે વસ્તુનો ઈરાદો કરે તે બનાવવામાં તને તકલીફ થતી નથી. બસ તમામ વખાણ તો ફક્ત તારા જ માટે છે અય્ પરવરદિગાર, તું તે તાકતવાળો છે કે જે કોઈથી હારતો નથી, એવો સહનશીલ છો કે જલ્દી કરતો નથી, મોહંમદ સ. અને આલે મોહંમદ અ. ઉપર રહેમત નાઝીલ કર, મને તારી નેઅમતોનો શુક્ર કરનાર અને તારા એહસાનને યાદ કરનાર લોકોમાં શામીલ કર. અય અલ્લાહ! ઘણે ભાગે મેં તારાથી નેક ગુમાની કરી તો તેને તેં હકીકત સુધી પહોંચાડી, મારી તંગદસ્તીને દૂર કરી, મારી લાચારીને પણ તું દૂર કરી, હલાક્તથી મને બચાવી લીધો, તકલીફને દૂર કરીને રાહત અતા કરી, અય્ પરવરદીગાર! જે કંઈ તું કરે છે તે માટે તને કોઈ પૂછનાર નથી, તમામ મખ્લુકને સવાલ કરવામાં આવશે, તું જે કાઈ આપે છે તેનાથી તારો ખઝાનો ઓછો થતો નથી, જ્યારે તારી પાસે માંગવામાં આવે છે તો તું અતા કરે છે, જે નથી માંગતા તેને પણ તું આપે છે, દેવામાં ન તો કંજુસી અને ન તો મોડું કરે છે સિવાય એ કે નેઅમત અતા કરીને એહસાન કરે, અય્ પરવરદીગાર તું ખુબ જ અતા કરે છે બહુ જ મહેરબાની કરે છે, મેં તો હરામ કામો તથા તારી નાફરમાની કરી છે, તારી બધી હદોને તોડી નાખી, તું તારા અઝાબથી ડરાવ્યો તે છતાં મેં ગફલત કરી, મારા તથા તારા દુશ્મન (શયતાન) ની તાબેદારી કરી, પરંતુ અય્ મારા પાલનહાર! અય્ મારા મદદગાર તારી નાશુક્રી કરવા છતાં તે મારા ઉપર તારી નેઅમતોને ચાલુ જ રાખી, તારી અતા અને બક્ષીશ એવી છે કે જેને મારી નાફરમાનીઓ પણ રોકી શકતી નથી. અય્ મઅબુદ આ હાલત છે તારા ઝ્લીલ બંદાની કે તૌહીદને તો માને છે અને તારા હકને અદા ન કરવા બદલ પોતાને કસુરવાર ઠહેરાવે છે, ગવાહી આપે છે કે તારી નેઅમતોનો વરસાદ વરસાવ્યો છે, એ પણ કબૂલ કરે છે કે તેના સાથે તું સારો વર્તાવ કર્યો છે, તારો તેના ઉપર મોટો એહસાન છે, તો હવે અય્ મારા અલ્લાહ! અને મારા આકા! તો હવે મને તારા ફઝલો કરમથી એવી રહેમત નસીબ કર કે જેથી હું તારી ખુશી હાસિલ કરી શકું, અને તારા ગઝબથી પોતાને બચાવી શકું, હું તારી ઇઝ્ઝત, મહેરબાની અને બક્ષીશનો તથા તારા નબી મોહંમદ સ. અને તેઓની પાક ઔલાદનો વાસ્તો આપું છું. બસ તમામ વખાણ તો ફક્ત તારા જ માટે છે અય્ પરવરદિગાર, તું તે તાકતવાળો છે કે જે કોઈથી હારતો નથી, એવો સહનશીલ છો કે જલ્દી કરતો નથી, મોહંમદ સ. અને આલે મોહંમદ અ. ઉપર રહેમત નાઝીલ કર, મને તારી નેઅમતોનો શુક્ર કરનાર અને તારા એહસાનને યાદ કરનાર લોકોમાં શામીલ કર. અય્ મઅબુદ કેટલાક તારા બંદા મૌતની એ હાલતમાં સવાર અને સાંજ કરે છે કે છાતીમાં શ્વાસ (દમ) ઘૂટતો હોય છે, અને તેઓ એવી વસ્તુને જોવે છે કે જે જોવાથી રરૂંવાડા ઊભા થઈ જાય છે, બેચેની અને ગભરાટ થવા લાગે છે, પરંતું અય્ પરવરદિગાર (તારો શુક્ર છે કે) હું તારી મહેરબાનીથી આ તમામ બલાઓથી સલામત છું. બસ તમામ વખાણ તો ફક્ત તારા જ માટે છે અય્ પરવરદિગાર, તું તે તાકતવાળો છે કે જે કોઈથી હારતો નથી, અને એવો સહનશીલ છો કે જલ્દી કરતો નથી, મોહંમદ સ. અને આલે મોહંમદ અ. ઉપર રહેમત નાઝીલ કર, મને તારી નેઅમતોનો શુક્ર કરનાર અને તારા એહસાનને યાદ કરનાર લોકોમાં શામીલ કર, અય ખુદાવંદા! તારા કેટલાક બંદા એવા છે કે તેઓ સખત બીમાર છે અને બીમારીથી પીડાય છે, તેના વિષે ખુદાથી ફરિયાદ કરે છે, તેને ન તો ખાવાનું ભાવે છે કે ન પાણી, એવા કમજોર છે કે પોતા માટે ન કોઈ લાભ પહોંચાડી શકે છે કે નુકસાન, પરંતુ (તારો શુક્ર છે કે) તારી મહેરબાનીથી મારૂં શરીર તંદુરસ્ત છે, તથા મારી જીંદગી પણ રાહત અને આરામમાં છે. બસ તમામ વખાણ તો ફક્ત તારા જ માટે છે અય્ પરવરદિગાર, તું તે તાકતવાળો છે કે જે કોઈથી હારતો નથી, એવો સહનશીલ છો કે જલ્દી કરતો નથી, મોહંમદ સ. અને આલે મોહંમદ અ. ઉપર રહેમત નાઝીલ કર, મને તારી નેઅમતોનો શુક્ર કરનાર અને તારા એહસાનને યાદ કરનાર લોકોમાં શામીલ કર. અય્ મારા અલ્લાહ! તારા કેટલાક બંદા એવા છે કે જે હંમેશા ખૌફ, ડર અને ધ્રૂજતા ધ્રૂજતા સવાર સાંજ કરે છે, જેઓ ધૂતકારેલા, આમથી તેમ ભાગતા છૂપાતા નાની કોઠડીમાં (બાલ બચ્ચાઓથી દૂર) પડેલા છે, ઝમીન આટલી મોટી હોવા છતાં તેમના માટે તંગ થઇ ગઈ છે, ન તો તેમના માટે નજાતનો કોઈ રસ્તો છે કે ન છુપાવા માટે કોઈ જગ્યા, (તારો શુક્ર છે કે) હું તો તે તમામ બલાઓથી અમાનમાં અને તારા ફઝલો કરમથી સલામતી સાથે ઝીંદગી ગુઝારૂં છું. બસ તમામ વખાણ તો ફક્ત તારા જ માટે છે અય્ પરવરદિગાર, તું તે તાકતવાળો છે કે જે કોઈથી હારતો નથી, તેવો સહનશીલ છો કે જલ્દી કરતો નથી, મોહંમદ સ. અને આલે મોહંમદ અ. ઉપર રહેમત નાઝીલ કર, મને તારી નેઅમતોનો શુક્ર કરનાર અને તારા એહસાનને યાદ કરનાર લોકોમાં શામીલ કર. અય્ મારા અલ્લાહ! તારા કેટલાક બંદા એવા છે કે જેઓ એવી હાલતમાં સવાર સાંજ કરે છે કે જેઓ દુશ્મનોનાં હાથે કૈદી થયા છે, તેઓના હાથમાં હથકડી અને પગમાં બેડીઓ પહેરાવેલી છે, દુશ્મનો તેમના ઉપર રહેમ નથી ખાતા અને તેઓ બાલબચ્ચા, દોસ્ત અને વતનથી દૂર છે, હંમેશા એ જ વિચાર કરતા હોય છે કે દુશ્મનો કેવી રીતે કતલ કરશે? યા શરીરના એક એક ભાગ ને કેવી રીતે જુદા કરશે? પરંતુ (તારો શુક્ર છે કે) હું તારી મહેરબાનીથી આ બધી જ મુસીબતોથી દૂર છું. બસ તમામ વખાણ તો ફક્ત તારા જ માટે છે અય્ પરવરદિગાર, તું તે તાકતવાળો છે કે જે કોઈથી હારતો નથી, તેવો સહનશીલ છો કે જલ્દી કરતો નથી, મોહંમદ સ. અને આલે મોહંમદ અ. ઉપર રહેમત નાઝીલ કર, મને તારી નેઅમતોનો શુક્ર કરનાર અને તારા એહસાનને યાદ કરનાર લોકોમાં શામીલ કર. અય્ મારા અલ્લાહ! તારા કેટલાક બંદા એવા છે કે જેઓ દુશ્મનો સાથે લડાઈમાં છે અને દુશ્મનો તેમને ચારો તરફથી ઘેરી લીધા છે, તેમના ઉપર દુશ્મનો તલવાર, નેઝા અને બીજા હથિયારોથી હમલો કરી રહ્યા છે, જેના લીધે હિંમત ટૂટી ગઈ છે, તેમને ખબર નથી પડતી કે હવે શું કરીએ? કોઈ ભાગવાનો રસ્તો પણ દેખાતો નથી, ઝખ્મોથી ચૂર ચૂર થઇ ગયા છે, પોતાના લોહીમાં ભરેલા ઘોડાઓના પગ નીચે કચડાય છે, એક ઘૂંટ પાણી માટે તરસે છે, અને પોતાના બાલબચ્ચાઓની મુલાકાત માટે તડપે છે, પરંતુ તેના પાસે કોઇ નજાતનો રસ્તો નથી, (તારો શુક્ર છે કે) હું તમામ બલાઓથી તારા ફઝલો કરમથી દૂર છુ. બસ તમામ વખાણ તો ફક્ત તારા જ માટે છે અય્ પરવરદિગાર, તું તે તાકતવાળો છે કે જે કોઈથી હારતો નથી, તેવો સહનશીલ છો કે જલ્દી કરતો નથી, મોહંમદ સ. અને આલે મોહંમદ અ. ઉપર રહેમત નાઝીલ કર, મને તારી નેઅમતોનો શુક્ર કરનાર અને તારા એહસાનને યાદ કરનાર લોકોમાં શામીલ કર. અય્ મારા અલ્લાહ! તારા કેટલાક બંદા એવા પણ છે જેઓ દરિયાના તોફાનમાં ફસાઈ ગયા છે, દરિયો તોફાની હોવાથી ડૂબવાની નજીક છે, ત્યાંથી નજાતનો કોઈ રસ્તો દેખાતો નથી, કેટલાક બંદા વીજળીના કડાકા અને મકાન નીચે દબાઈ જવાના યા પાણીમાં ડૂબી જવાના કે આગથી બળી જવાના, યા ઝમીન ધસી જવાના યા ચહેરો ખરાબ થઇ જવાની બીમારીમાં ઘેરાએલા છે, (તારો શુક્ર છે કે) હું તારા ફઝલો કરમથી એ તમામ બલાઓથી દૂર છું. બસ તમામ વખાણ તો ફક્ત તારા જ માટે છે અય રબ, તું તે તાકતવાળો છે કે જે કોઈથી હારતો નથી, તેવો સહનશીલ છો કે જલ્દી કરતો નથી, મોહંમદ સ. અને આલે મોહંમદ અ. ઉપર રહેમત નાઝીલ કર, મને તારી નેઅમતોનો શુક્ર કરનાર અને તારા એહસાનને યાદ કરનાર લોકોમાં શામીલ કર. અય અલ્લાહ! તારા કેટલાક બંદા એવા છે કે જે પોતાના બાલબચ્ચાઓને મુકીને સફરમાં છે, રસ્તો ભૂલી જવાથી જંગલમાં ભટકી ગયા છે તે જંગલી જાનવરો, પ્રાણીઓ અને કીડામકોડાના વચમાં એકલા ઘેરાએલા છે, નજાતનો કોઈ રસ્તો દેખાતો નથી, તથા રસ્તામાં વરસાદ, શરદી, ગરમી, ભૂખ-પ્યાસ વગેરેની સખત બલાઓમાં ગીરફતાર છે, (તારો શુક્ર છે કે) હું તે તમામ બલાઓથી સલામત છું. બસ તમામ વખાણ તો ફક્ત તારા જ માટે છે અય્ પરવરદિગાર, તું તે તાકતવાળો છે કે જે કોઈથી હારતો નથી, અને તેવો સહનશીલ છો કે જલ્દી કરતો નથી, મોહંમદ સ. અને આલે મોહંમદ અ. ઉપર રહેમત નાઝીલ કર, મને તારી નેઅમતોનો શુક્ર કરનાર અને તારા એહસાનને યાદ કરનારમાં શામીલ કર. ખુદાવંદા તારા કેટલાક બંદા એવા છે કે તેઓ મોહતાજ અને ફકીર છે, પહેરવા માટે કપડા નથી અને તેઓ ભૂખ અને તરસની સખ્તીમાં ઘેરાએલા છે, તેઓ આશા રાખે છે કે કોઈ આવીને ખૈરાત આપી જાય, યા કેટલાક બંદા જે તારી નજીક મારાથી વધારે ઇઝ્ઝતદાર છે અને ઇબાદત તથા ફરમાંબરદારીમાં મારા કરતાં વધારે આગળ છે, તેઓ ખરાબ કૈદાખાનામાં છે જેમાં તકલીફો, ગુલામીની સખ્તીમાં અને ઝખ્મી હાલતમાં છે, યા તેનાથી પણ મોટી તકલીફમાં છે કે જેને તે સહન નથી કરી શકતા, તારી મદદ સિવાય તેમના માટે કોઈ નજાતનો રસ્તો નથી, (તારો શુક્ર છે કે) હું તે તમામ બલાઓથી દૂર છું, મારી પાસે તો નોકર ચાકર પણ છે, તું મને બહુ જ નેઅમતો આપી છે અને તમામ બલાઓથી બચાવીને નજાત આપી છે. બસ તમામ વખાણ તો ફક્ત તારા જ માટે છે અય્ પરવરદિગાર, તું તે તાકતવાળો છે કે જે કોઈથી હારતો નથી, અને તેવો સહનશીલ છો કે જલ્દી કરતો નથી, મોહંમદ સ. અને આલે મોહંમદ અ. ઉપર રહેમત નાઝીલ કર, મને તારી નેઅમતોનો શુક્ર અને ઝીક્ર કરવાવાળાઓમાં દાખલ કર. અય મારા અલ્લાહ! અય મારા આકા! તારા કેટલાક બંદા એવા છે કે જેઓ સખત બીમારી અને કમઝોરીની હાલતમાં છે, તે બીમારીમાં જમણી અને ડાભી તરફ પડખા બદલ્યા કરે છે, તેઓને ન તો ખાવામાં કોઈ ઝાતની લઝ્ઝત મળે છે કે ન તો પાણીમાં, અફસોસની નઝર થી પોતાના તરફ જુએ છે, તેઓ પોતા માટે કોઈ નફા-નુકશાનની તાકત રાખતા નથી, (તારો શુક્ર છે કે) હું તારી મહેરબાની અને તારા કરમથી તે તમામ દુઃખોથી દૂર છું. બસ તારા સિવાય કોઈ માબુદે બરહક નથી, તું પાક પાકીઝા છો તું એવો તાકતવાળો છે કે કોઈથી હારતો નથી, તું એવો સહનશીલ છો કે જલ્દી કરતો નથી, મોહંમદ સ. અને આલે મોહંમદ અ. ઉપર રહેમત નાઝીલ કર, મને તારી ઈબાદત કરનારાઓમાં, તારી નેઅમતોનો શુક્ર અને ઝીક્ર કરનારાઓમાં દાખલ કર, અય્ અરહમુર રાહેમીન! તું મારા ઉપર તારી રહેમત નાઝીલ કર. અય મારા અલ્લાહ, મૌલા અને આકા! તારા કેટલાક બંદા એવા છે કે જેમની મૌતનો સમય નજીક આવી ગયો છે, મલેકુલમૌત અને તેના સાથીઓ એ તેને ઘેરી લીધેલ છે, તે મૌતની બેહોશીમાં અને સકરાતની હાલતમાં છે, તેઓ જમણી અને ડાભી તરફ નઝર કરીને પોતાના દોસ્તો, મહેરબાન અને સગાવ્હાલાઓને જોઈ રહયા છે, પણ કઈ બોલવાની તાકત નથી, પોતાના ઉપર ફક્ત અફસોસ કરે છે, નફા તથા નુકસાનની તાકત બાકી નથી, (તારો શુક્ર છે કે) હું તારા ફઝલો કરમથી એ તમામ તકલીફોથી હિફાઝતમાં છું. બસ તારા સિવાય કોઈ માબુદે બરહક નથી, તું પાક પાકીઝા છો તું એવો તાકતવાળો છે કે કોઈથી હારતો નથી, તું એવો સહનશીલ છો કે જલ્દી કરતો નથી, મોહંમદ સ. અને આલે મોહંમદ અ. ઉપર રહેમત નાઝીલ કર, મને તારી ઈબાદત કરનારાઓમાં, તારી નેઅમતોનો શુક્ર અને ઝીક્ર કરનારાઓમાં દાખલ કર, અને અય્ અરહમુર રાહેમીન! તું મારા ઉપર તારી રહેમત નાઝીલ કર. અય મારા મૌલા! અય મારા આકા! કેટલાક તારા એવા બંદા છે કે જેઓ કૈદ ખાનાની તંગ કોઠડીમાં તકલીફો અને બેઈઝ્ઝતી સાથે તેઓના પગોમાં બેડીઓ અને ગળામાં તોક નાખીને એક સિપાહીથી બીજા બેરહમ સિપાહી સુધી ધકેલવામાં આવે છે, તેઓને ખબર નથી કે તેમના સાથે શું કરવામાં આવશે? કઈ રીતે એક એક ભાગ અલગ અલગ કરવામાં આવશે,? તેમની પાસે આરામનું નામ જ નથી અને જિંદગીથી કંટાળી ગયા છે, પોતાની તરફ અફસોસની નજરથી જૂએ છે કોઈ ઝાતનો ફાયદો કે નુકસાનની તાકત પણ નથી રાખતા, (તારો શુક્ર છે કે) હું તારા ફઝલો કરમથી એ તમામ મુસીબતોથી દૂર છું. બસ તારા સિવાય કોઈ માબુદે બરહક નથી, તું પાક પાકીઝા છો તું એવો તાકતવાળો છે કે કોઈથી હારતો નથી, તું એવો સહનશીલ છો કે જલ્દી કરતો નથી, મોહંમદ સ. અને આલે મોહંમદ અ. ઉપર રહેમત નાઝીલ કર, મને તારી ઈબાદત કરનારાઓમાં, તારી નેઅમતોનો શુક્ર અને ઝીક્ર કરનારાઓમાં દાખલ કર, અય્ અરહમુર રાહેમીન! તું મારા ઉપર તારી રહેમત નાઝીલ કર. મારા અલ્લાહ! અય મારા આકા! તારા કેટલાક બંદા એવા છે કે જે ઉપર કઝાનો હુકમ જારી થવાથી તેઓ બલામાં ઘેરાય ગયા છે, તે પોતાના દોસ્તો, સાથીઓ અને સગાવ્હાલાઓથી દૂર કાફીરોના હાથમાં ઝીલ્લત સાથે કૈદ ભોગવી રહ્યા છે, દુશ્મન તેઓને જેમ ફાવે ત્યાં ફેરવે છે, તેઓને ભારે સાંકળો પહેરાવવામાં આવી છે, એવી કાળી કોટડીમાં બંધ છે કે જ્યાં તો ન અજવાળું છે કે ન તો કોઈ ઝાતની ખુશ્બુ સુંઘી શકે છે, બસ પોતાને અફસોસ સાથે જૂએ છે જેના ઉપર તેઓ નફા નુકસાનની તાકત નથી રાખતા, (તારો શુક્ર છે કે) હું તારા ફઝલો કરમથી તે તમામ તંગીઓથી અમનો અમાનમાં છું. બસ તારા સિવાય કોઈ માબુદે બરહક નથી, તું પાક પાકીઝા છો તું એવો તાકતવાળો છે કે કોઈથી હારતો નથી, તું એવો સહનશીલ છો કે જલ્દી કરતો નથી, મોહંમદ સ. અને આલે મોહંમદ અ. ઉપર રહેમત નાઝીલ કર, અને મને તારી ઈબાદત કરનારાઓમાં, તારી નેઅમતોનો શુક્ર અને ઝીક્ર કરનારાઓમાં દાખલ કર, અય્ અરહમુર રાહેમીન! તું મારા ઉપર તારી રહેમત નાઝીલ કર. અય કરીમ! તારી ઇઝ્ઝત અને બુઝુર્ગીની કસમ છે કે હું તે માંગુ છું કે જે તારા પાસે છે, વારંવાર તારી સામે નમ્રતાથી બંને હાથો ફેલાવીને માંગું છું, એ છતાં કે આ હાથોથી ગુનાહ કર્યા છે, અય મારા રબ! તારા સિવાય બીજા કોની પાસે પનાહ માંગુ? અય્ કરીમ! તારાસિવાય બીજા કોની પાસે ફરિયાદ કરૂં? તારા સિવાય મારૂ બીજું કોઈ નથી, તો શું તું મને નાઉમીદ કરી દઈશ? જ્યારે કે મને તારા ઉપર પૂરો ભરસો છે, તારાથી જ ઉમ્મીદ રાખું છું, હું તને તે ઇસમેં આઝમનો વાસ્તો આપી ને સવાલ કરૂ છું કે જેના લીધે ઝમીન અને આસમાન કાએમ છે, તેમજ પહાડો ઊંચા થયા છે, રાત અંધારી થઇ, અને દિવસ રોશન થઇ ગયા છે. બસ તું મોહંમદ સ. અને આલે મોહંમદ અ. ઉપર રહેમત નાઝીલ કર, અને મારી તમામ હાજતો પૂરી કર, મારા તમામ નાના મોટા ગુનાહો બક્ષી આપ, મારી રોઝીમાં વધારો કર જેથી દુનિયા અને આખેરતમાં મને ઇઝ્ઝત નસીબ થાય, અય સૌથી વધારે રહેમ કરનાર! મારા મૌલા! હું તારાથી જ મદદ માંગુ છું, બસ મોહંમદ સ. અને આલે મોહંમદ અ. ઉપર રહેમત નાઝીલ ફરમાવ. મારી મદદે પહોંચ, બસ હું તારી પાસે પનાહ ચાહું છું તો મને પનાહ અતા કર, તારી ઇતાઅત થકી તારા બંદાઓની તાબેદારી કરવાથી બચાવી દે તારો સવાલી બનાવીને લોકોના સામે હાથ ફેલાવાથી બચાવી લે, ફકીરીની બેઈઝ્ઝતી દૂર કરીને તવંગરીની ઇઝ્ઝત નસીબ કર, તેમજ ગુનાહો અને નાફરમાનીની હલકાઈથી દૂર રાખીને ફરમાંબરદારીની ઇઝ્ઝત અતા કર, તું તારા ઘણા બંદાઓ કરતાં વધારે મારા ઉપર ફઝલ અને મહેરબાની કરી છે, એનો તો હું બિલકુલ હકદાર જ ન હતો પણ ફક્ત તે તારી ઉદારતાથી જ મહેરબાની કરી છે. અય્ મારા અલ્લાહ! ફક્ત તું જ વખાણના લાયક છો કે તું આ મહેરબાનીઓ અતા ફરમાવી. મોહંમદ સ. અને આલે મોહંમદ અ. ઉપર રહેમત નાઝીલ કર, મને તારી નેઅમતોનો શુક્રગુઝાર અને તારી નેઅમતોને યાદ કરનાર બંદો બનાવી દે, અય્ રહેમ કરનારાઓમાં બહેતરીન રહેમ કરનાર.