رمضان المبارك

(શરું કરું છું) અલ્લાહના નામથી જે ખુબજ મહેરબાન અને બહુજ દયાળુ છે. અય તે ઝાત કે જે દરેક વસ્તુની પહેલા પણ મૌજૂદ હતો, પછી તેને દરેક વસ્તુઓને પૈદા કરી છે, પછી પણ ફક્ત તે જ બાકી રેહનાર છે અને દરેક વસ્તુ ફના થઇ જવાવાળી છે; અય તે ઝાત કે જેની સિવાય - ઊંચા આસમાનોમાં, તથા ઝમીનોની પાતાળમાં, અને જે કાંઈ તે બન્નેની ઉપર છે, અને જે કાંઈ તે બન્નેની દરમિયાન છે, અને જે કાંઈ તે બન્નેની નીચે છે - બીજું કોઈ મઅબૂદ નથી કે જેની ઈબાદત થતી હોય; ફક્ત તારી માટે જ બધા વખાણ છે કે જેની ગણત્રી તારા સિવાય બીજું કોઈ નથી કરી શકતું, તો તું હઝરત મોહમ્મદ (સ.અ.વ.) અને હઝરત મોહમ્મદ (સ.અ.વ.)ની ઔલાદ ઉપર રહમત નાઝિલ કર, કે જેની ગણત્રી પણ તારા સિવાય બીજું કોઈ નથી કરી શકતું.

(શરું કરું છું) અલ્લાહના નામથી જે ખુબજ મહેરબાન અને બહુજ દયાળુ છે. અય અલ્લાહ, આ મહીનાની તારી બરકતોમાં મારા હિસ્સામાં ભરપૂર બરકત અતા કર, અને તેની નેકીઓ માટે મારા રસ્તાને આસાન બનાવ, અને તે નેકીઓને કબૂલ કરવાથી મને વંચિત ન રાખ, અય ચોખ્ખા હક્કની તરફ હિદાયત કરવાવાળા.